هيكل فيل فى غابه كبيره
وحواليه طيور صغيره
وطيور ضعيفه وكتيره
وفاكراه فيل افعاله خطيره
والاقتراب منه ممنوع
وتعيش بعيد عنه فى خضوع
وقرب منه الاعشاب والزروع
وسحر الحياه فى ينبوع
ومر عليهم اسبوع ورا اسبوع
والطيور الصغيره بيقتلها الجوع
وتبكى العين ولا تنفع الدموع
ويضيع من كان مدفوع
حتى ولو كان قوى وشجاع
لازم يخطط فى ابداع
........................................
الطيوربعجزها فى مكان
كله بيخاف ظله يبان
الكبير بياكل الصغيرالغلبان
ويجتاحه فى اى وقت كان
ويغتصب كله على العيان
ويهين العجايز والشبان
من غير عطف ولا لمحه احسان
ولا يروى الكل عطشه لو عطشان
وكله غطرسه وجبروت وطغيان
ينهب خيرهم وارضهم باسلوب جبان
ويحرمهم من حريتهم بشكل مستهان
والضعيف مع انه بارضه كاْنه غلطان
ماشى ذليل عليها ما يبان
وامامهم نهر خيره فيضان
وعايشين المساكين فى حرمان
واتجراء بعض الطيور الصلبه
يقربوا يوم من اكبر فيل
وافتكروا انها حاجه صعبه
طلع تعاونهم جميل
ولما الكتير منهم وافق
وايمانهم وعزمهم لهم مرافق
انهوا مهمتهم فى تاْنى
من غير تردد يضنى
ولا جهل بينهم يفنى
ومهما بعضهم يعانى
كانت المفاجاْه لهم كبيره
واكتشفوا اشياء مثيره
هيكل فيل فى غابه
كانوا يخشوا منه اصابه
وكانه مليون عصابه
ومستحيل يكون له اذابه
وهو مجرد هيكل فيل
والتعاون بحب شىء جميل
الانسان من غير حب ذليل
وبالاراده والتعاون القليل كتير
وهو مجرد هيكل فيل
والتعاون بحب شىء جميل
الانسان من غير حب ذليل
وبالاراده والتعاون القليل كتير
ليست هناك تعليقات:
إرسال تعليق